اغار عليك من قلبي والعيون لذلك انا حاير وين اشيلك
وحقي اني ماجيلك لأن معذور اغار عليك مني ومااجيلك
دخيلك ربي من الموت ماصيح
من زعلك صحت ربي دخيلك

تتكلب عليه بس ماابدلك
ابدلك بيش بس انت بديلك

تتباها بجمالك انت معذور
على الاجيال بيك اتباها جيلك

عليل بحبك انا وحيل مرتاح
لأن كامو يسموني عليلك
اذا مرات افكر اشتكي عليك

اجيك اركاض من عندي اشتكيلك
مو احلاهم انت بس دخت بيك
هم الاحلى بس محد حلالي

وحب من طرف واحد حبي وياك
واكول للناس بس حبك مثالي
ولحد الان بس انت اقتنع بيك
ولحد الان بس انت على بالي

اذا يحجون مااسمع شيحجون
واذا تسكت اسمعنك ياغالي

شرجي وتخنك الريه واشم بيك
واكول للريه يمعوده شمالي
واذا تاكل بقلبي ومااخليك
احس مقصر ومدري شجرالي
عليك ابجي وعلي تضحك وازكيك
واكول شكد حنين شكد بجالي
اكولك غالي وتغلس واحاجيك وتلبسني واكولهم كلي غالي
احبك غير احبك غير اداريك غير انت الذي تبهذلي حالي

وماترهملي بس تفصال احس بيك
ومر تكتل واضوكك حلو شمحلاك
اغمض عيني مغمضه وتصد ليك وافك عيني على غيرك انت الكاك
هلا بجيتك اصيح وانت ماجاي
وقشمرني واكوم اتشابك وياي
بدونك عندي حتى العيد مو عيد
وعاشور جن العيد ملكاك
تسواني وتسوى الراح والجاي وتسوى كلشي وحتى تسواني
عود انا كلت مابعد اودك واكولهم شفت غيره وهو عفته
شو ياخد ابوسه الكاه خدك وياهو الاحبه يطلع انته

تعال ومر عليه حتى لو رمضان
اشوفك عيد قبل العيد وافطر
حتى صيامي يفرق عن الاسلام
حسب جيتك يجوز يطول اشهر
تعال شبيك ادخلك جنت اشعار
وافرك احلى فره بين الاسطر
ولك حتى السما من تحن عالكاع
تظل تبجي ومطر عالكاع تمطر
كل ساعه اسمع صوت عالباب
ثاري الباب ظل بروحه يسطر

تمشي ويه غيري شبيك مااقبل بهاي
وك اني اغار عليك من تمشي وياي

تريد وياي تتراهن على الشوك ؟ تعال اتراهن انا وياك يلا
اتحداك اذا مثلي تشتاك لأن مشتاكلك كد رحمة الله

لاتحجي ادري شرايد تقول
وعليمن هالحجي خليها سكته
عود انا احب غيرك منو الكال
حتى بالحلم غيرك كرهته
اكو يحبني واكرها هذا غيرك
ويكرهني واحبه هذا انته

رووووووووعه
تسلم ايدك

نورتي مهرة بردج ايدج

شكرا وسام على ردك جميل